नामांकित कंपनीला गंडा घालण्याच्या उद्देशाने फसवणुक केलेली रक्कम ४०,९०,६०५/-रूपये सायबर पोलीसांच्या सतर्कतेने कंपनीस परत मिळवुन देण्यात यश आले आहे”
पंकेश जाधव मुख्य संपादक 7020794626
सायबर पोलीस स्टेशन, पुणे शहर
महा पोलीस न्यूज ! ऑनलाईन पुणे :- सायबर पोलीस स्टेशन, पुणे शहर कडील तक्रार अर्ज क्रमांक १७९/२०२५ यामध्ये “नामांकीत कंपनीच्या अकाऊंट यांना सायबर गुन्हेगाराने अनोळखी मोबाईल क्रमांकावरून व्हॉटसअॅप मेसेज करून सदर कंपनीचे एम.डी. असल्याचे भासवुन ते एका मीटींग मध्ये असल्याचे व हा माझा पर्सनल मोबाईल क्रमांक असल्याचे सांगुन दुस-या कंपनीचे पेमेट तात्काळ करावयाचे आहे असे बतावणी करून कंपनीचे बँक खात्यामधुन त्यांनी व्हॉटसअॅप मेसेज द्वारे पाठविलेल्या बँक खात्यामध्ये रक्कम ४०,९०,६०५/-रूपये पाठविण्यास सांगुन आर्थिक फसवणुक केली आहे.” म्हणुन सदरबाबत तक्रार नोंद आहे.
मा. श्री. अमितेश कुमार सोो पोलीस आयुक्त पुणे शहर यांनी सायबर गुन्हेगारीवर आळा घालण्यासाठी दिलेल्या मार्गदर्शक सुचनांचे पालन करून सदर तक्रारीची गंभीर दखल घेऊन परराज्यातील बँक खात्याबाबत पत्रव्यवहार करून तसेच सदरचे बँक खाते हे परराज्यातील असल्याने तेथील नोडल अधिकारी यांचे संपर्क साधुन वेळोवेळी पाठपुरावा करून त्यांचे मदतीने फसवणुक झालेली रक्कम गोठविण्यात येवुन ती तक्रारदार यांना परत मिळवुन देण्यात सायबर पोलीस स्टेशन पुणे शहर यांना यश आले आहे.
सदरची कामगिरी ही मा.श्री. विवेक मासाळ सोो, पोलीस उपआयुक्त, आर्थिक व सायबर गुन्हे, पुणे शहर, मा.श्री. मच्छिंद्र खाडे सोो, सहाय्यक पोलीस आयुक, आर्थिक व सायबर गुन्हे, पुणे शहर, मा. श्रीमती स्वप्नाली शिंदे सोो, वरीष्ठ पोलीस निरीक्षक, सायबर पोलीस स्टेशन, पुणे शहर यांचे मार्गदर्शनाखाली पोलीस उपनिरीक्षक तथा तपासी अधिकारी तुषार भोसले व पोलीस अंमलदार नवनाथ कोंडे, किरण जमदाडे, अश्विनी भोसले, ज्योती दिवाणे, माधुरी कराळे व सोनाली चव्हाण यांचे पथकाने केलेली आहे.
अशा प्रकारची सायबर फसवणुक टाळण्यासाठी काय काळजी घ्यावी
१. अनोळखी मोबाईल क्रमांकावरून मेसेज करून तुमचा बॉस किंवा जवळची व्यक्ती असल्याचे भासवुन पैशाची मागणी केल्यास, त्या व्यक्तीशी संपर्क साधल्याशिवाय पैसे पाठवु नये.
२. अनोळखी मोबाईल क्रमांकावरून कॉल करून तुमच्या जवळच्या व्यक्तीचा आवाज काढुन पैशाची मागणी केल्यास, त्या व्यक्तीशी संपर्क साधल्याशिवाय पैसे पाठवु नये.
मुख्य संपादक :- पंकेश जाधव
