लोणीकंद पोलीसांनी गुन्हेगारी टोळीच्या आवळल्या मुसक्या टोळी कडुन देशी बनावटीचे एकुण ०७ पिस्टल व २३ जिवंत काडतुसे केले जप्त
पंकेश जाधव संपादक 7020794626
लोणीकंद पोलीस स्टेशन, पुणे शहर
महा पोलिस न्यूज ! ऑनलाईन पुणे :- लोणीकंद पोलीस स्टेशन, पुणे शहर गुन्हा रजिस्टर नंबर ८४७/२०२४, आर्म अॅक्ट कलम ३ (२५), भा. न्याय संहीता कलम ३(५), महाराष्ट्र पोलीस कायदा कलम ३७ (१), १३५ अन्वये दाखल गुन्हयातील फिर्यादी व साक्षीदार हे सराईत गुन्हेगार असुन ते दिनांक २९/०८/२०२४ सासवड येथील दहीहंडीचा कार्यक्रम संपवुन हडपसर, मांजरी मार्गे कोलवडी येथिल त्यांचे राहते घरी येत असताना त्यांचा विरोधक सुमित उत्तरेश्वर जाधव व इतर यांनी पुर्ववैमनस्यातुन कट कारस्थान रचुन कोलवडी परिसरात सापळा लावुन नमुद गुन्हयातील फिर्यादी व साक्षीदार यांना जिवे ठार मारण्याचा प्रयत्न केल्याने फिर्यादी यांनी दिलेल्या तक्रारी वरुन वरील प्रमाणे गुन्हा दाखल करण्यात आला होता.
नमुद गुन्हा घडलेनंतर गुन्हयाचे घटनास्थळी मा. श्री. हिम्मत जाधव, पोलीस उपआयुक्त सोो, परिमंडळ ४ पुणे शहर, व मा. श्रीमती प्रांजली सोनवणे, सहा. पोलीस आयुक्त सोो, येरवडा विभाग, पुणे शहर यांनी भेट देवून श्री. पंडीत रेजितवाड, वरिष्ठ पोलीस निरीक्षक, लोणीकंद पोलीस स्टेशन, पुणे शहर यांना सदरचा गुन्हा उघडकीस आणण्याच्या सुचना दिल्या. त्यानंतर श्री. पंडीत रेजितवाड, वरिष्ठ पोलीस निरीक्षक, यांचे मार्गदर्शना खाली तपास पथकाचे प्रभारी अधिकारी सपोनि रविंद्र गोडसे व तपास पथकातील अंमलदार यांची दोन पथके तयार करुन आरोपींचा शोध घेणेकरिता सासवड, हडपसर, कोंढवा, कात्रज परिसरात एक पथक तसेच चाकण, पिंपरी चिंचवड, मुळशी परिसरात दुसरे पथक रवाना करण्यात आले. पोलीस अंमलदार कैलास साळुंके, स्वप्नील जाधव, अजित फरांदे, शुभम चिनके, साईनाथ रोकडे, अमोल ढोणे, दिपक कोकरे यांचे पथकाने केलेल्या तपासात नमुद दाखल गुन्हा हा हडपसर, स्वारगेट, लोहियानगर येथील एन्जॉय ग्रुप मधील सदस्यांनी केला असल्याचे गोपणीय बातमीदारा मार्फतीने माहिती कळाली. त्याअनुषंगाने तपास पथकाने हडपसर भेकराईनगर परिसरात तळ ठोकुन एन्जॉय ग्रुप मधील सदस्यांची माहिती प्राप्त केली असता नमुद गुन्हयात एन्जॉय ग्रुपचे सदस्य १) शुभम ऊर्फ मॅटर अनिल जगताप, वय २७ वर्ष, २) सुमित उत्तरेश्वर जाधव, वय २६ वर्ष, ३) अमीत म्हस्कु अवचरे, वय २७ वर्ष, ४) ओंकार ऊर्फ भैय्या अशोक जाधव, वय २४ वर्ष, ५) अजय ऊर्फ सागर बाळकृष्ण हेगडे, वय २७ वर्ष, ६) राज बसवराज स्वामी, वय २६ वर्ष, ७) लतिकेश गौतम पोळ, वय २२ वर्ष, ८) रौफ ऊर्फ लाला बागवान, वय २३ वर्ष यांचा सहभाग असल्याचे निष्पन्न झाले. नमुद आरोपींचा शोध घेत असताना मा. श्री. पंडीत रेजितवाड, वरिष्ठ पोलीस निरीक्षक, लोणीकंद पोलीस स्टेशन, पुणे शहर यांना त्यांचे गोपणीय बातमीदारा मार्फत मिळालेल्या बातमीनुसार आरोपी नामे शुभम ऊर्फ मॅटर अनिल जगताप व सुमित उत्तरेश्वर जाधव यांना मुंढवा परिसरात सापळा रचुन ताब्यात घेण्यात आले. सपोनि रविंद्र गोडसे व पथकाने आरोपींकडे त्यांचे इतर साथीदारांबाबत विचारपुस करुन नवले ब्रिज कात्रज परिसरात शोध घेणेकामी सापळा लावुन आरोपी नामे अमीत म्हस्कु अवचरे, अजय ऊर्फ सागर बाळकृष्ण हेगडे, ओंकार ऊर्फ भैय्या अशोक जाधव, लतिकेश गौतम पोळ, राज बसवराज स्वामी यांना शिताफीने ताब्यात घेवुन त्यांच्याकडे तपास करता त्यांनी नमुद गुन्हा केल्याची कबुली दिली. दरम्यान आरोपी नामे अमीत अवचरे व सागर हेगडे यांचे ताब्यातुन देशी बनावटीचे ०२ पिस्टल व ०९ जिवंत काडतुस जप्त करण्यात आले. तसेच नमुद आरोपींना दाखल गुन्हयात अटक करुन त्यांची एकुण ०५ दिवसांची पोलीस कस्टडी घेण्यात आली. पोलीस कस्टडी दरम्यान आरोपीकडुन देशी बनावटीचे ०४ पिस्टल व १२ जिवंत काडतुस जप्त करण्यात आले.एकंदरीत दाखल गुन्हयाचे तपासात ०७ आरोपींना अटक करुन त्यांचेकडुन देशी बनावटीचे एकुण ०७ पिस्टल व एकुण २३ जिवंत काडतुसे, गुन्हा करण्यासाठी वापरलेली दोन वाहने, ०७ मोबाईल फोन असा एकुण ९,१४,०००/- रुपये किंमतीचा मुद्देमाल जप्त करण्यात आलेला आहे.
सदरची कामगिरी मा. श्री. अमितेश कुमार साो, पोलीस आयुक्त, पुणे शहर, मा. श्री. रंजनकुमार शर्मा, सह पोलीस आयुक्त, पुणे शहर, मा. श्री. मनोज पाटील, अपर पोलीस आयुक्त, पुर्व प्रादेशिक विभाग, पुणे शहर, मा. श्री. हिम्मत जाधव साो, पोलीस उपआयुक्त साो, परिमंडळ ४, पुणे शहर, मा. श्रीमती प्रांजली सोनवणे साो, सहा. पोलीस आयुक्त साो, येरवडा विभाग, पुणे शहर, यांचे मार्गदर्शनाखाली मा. श्री. पंडीत रेजितवाड साो, वरिष्ठ पोलीस निरीक्षक, लोणीकंद पोलीस ठाणे, पुणे शहर, तपास पथकाचे सपोनि रविंद्र गोडसे, पोलीस अंमलदार संदीप तिकोणे, कैलास साळुंके, स्वप्निल जाधव, अजित फरांदे, सागर जगताप, अमोल ढोणे, शुभम चिनके साईनाथ रोकडे, पांडुरंग माने, मल्हारी सपुरे, दिपक कोकरे, सुधीर शिवले सर्व लोणीकंद पोलीस ठाणे, पुणे शहर यांनी केली आहे.
मुख्य संपादक :- पंकेश जाधव
