कौटुंबिक वादातुन वाहन चोरी करणा-या दाजीला केले जेरबंद
प्रमोद बापू सावंत पुणे प्रतिनिधी
मुंढवा पोलीस स्टेशन, पुणे शहर
महा पोलिस न्यूज ! ऑनलाईन पुणे:- मुंढवा पोलीस स्टेशन, गु.र.नं.२१८/२०२५ भा.न्या.सं.क. ३०३(२) मधील फिर्यादी यांनी दिनांक ३१/०७/२०२५ रोजी ते दिनांक ०१/०८/२०२५ रोजी दरम्यान त्यांचे राहते घराचे समोर हॅन्डल लॉक करुन त्यांची अॅक्टीव्हा मोपेड मो. सा.नं. MH/12/SV/0419 ही पार्क केलेली असता, ती फिर्यादी यांचे दाजी नामे श्रेयश भारत कदम यांनी चोरी करुन नेलेबाबत तक्रार दिल्याने गुन्हा नोंद करण्यात आला होता.
सदरचा गुन्हा दाखल झाल्यानंतर यातील आरोपी यांने फिर्यादी यांना व्हॉटसअॅपवर संपर्क करुन, सदरची गाडी त्याने चोरी केली असुन, ती त्याच्या मित्राकडे ठेवल्याची कबुली दिली. त्यांनतर सदर गुन्हयाचे तपासी अंमलदार शिवाजी जाधव यांनी तपास पथक प्रमुख सहा. पोलीस निरीक्षक राजु महानोर यांना सदरची बातमी कळवुन, दाखल गुन्हयाचे अनुषंगाने आरोपीचे मोबाईल फोन चे सीडीआर व एसडीआर प्राप्त करुन, मिळालेल्या माहीतीचे तांत्रिक विश्लेषण करुन, आरोपी नामे श्रेयश भारत कदम वय ३० वर्षे रा. स.नं. ८२/८३, चाळ नं.ई ०७ अरमान सोसायटी, साईबाबा मंदीर समोर, शास्त्रीनगर, पौड रोड कोथरुड पुणे यांस दिनांक १३/१०/२०२५ रोजी दाखल गुन्हयात अटक करण्यात आली.
सदरची कामगीरी मा. अपर पोलीस आयुक्त श्री. मनोज पाटील, पुर्व प्रादेशिक विभाग पुणे, मा. पोलीस उपआयुक्त, परीमंडळ ५. डॉ. राजकुमार शिंदे, मा. सहा. पोलीस आयुक्त हडपसर विभाग पुणे श्रीमती अनुराधा उदमले यांचे मार्गदर्शनाखाली मुंढवा पोलीस स्टेशनचे वरीष्ठ पोलीस निरीक्षक श्रीमती माया देवरे, पोलीस निरीक्षक (गुन्हे) श्री. बाबासाहेब निकम यांचे सुचनांप्रमाणे तपास पथकाचे प्रभारी सहा, पोलीस निरीक्षक राजु महानोर, पोलीस अंमलदार शिवाजी जाधव, राहुल धोत्रे, राहुल मोरे, शिवाजी धांडे, पोलीस अंमलदार रुपेशतोडेकर, योगेश राऊत, अक्षय धुमाळ, स्वप्नील रासकर यांनी केली आहे.
मुख्य संपादक :- पंकेश जाधव
