जलदगती न्यायालयाचा ‘फास्टट्रॅक’ निर्णय: बलात्काराच्या आरोपीला अवघ्या सहा दिवसांत जामीन मंजूर!
उषा सोनावणे पुणे प्रतिनिधी
महा पोलीस न्यूज ऑनलाईन पुणे :- शिवाजीनगर जिल्हा व सत्र न्यायालयात स्थापन करण्यात आलेल्या फास्टट्रॅक कोर्टाने (द्रुतगती न्यायालय) वाघोली पोलीस ठाण्यातील बलात्कार प्रकरणातील एका आरोपीला अर्ज दाखल केल्यापासून अवघ्या सहा दिवसांत जामीन मंजूर केला आहे.
स्त्री संबंधित गुन्हे आणि POCSO (पॉक्सो) खटले जलद गतीने चालवण्यासाठी शिवाजीनगर कोर्टात पाच जिल्हा न्यायाधीशांना फास्टट्रॅक कोर्टाची जबाबदारी देण्यात आली आहे.
🎮 ‘PUBG’ ओळख आणि बलात्काराचा गुन्हा
गुन्ह्याचे स्वरूप: वाघोली पोलीस ठाण्यात एका महिलेने तक्रार दाखल केली होती की, आरोपी कार्तिक चांदवडे याच्याशी तिची ओळख ‘पब-जी’ (PUBG) गेम खेळताना झाली. भेटीगाठीनंतर आरोपीने पीडितेचे तिला न कळवता फोटो काढले. याच फोटोंच्या आधारे धमकी देत आरोपीने तिच्यावर वेळोवेळी अत्याचार केला.
या तक्रारीवरून वाघोली पोलिसांनी घटनेचे गांभीर्य लक्षात घेत, आरोपी कार्तिक चांदवडे यास संभाजीनगर येथून तात्काळ अटक करून पुण्यात हजर केले होते.
सहा दिवसांत जामीन मंजूर
पोलिसांकडून कस्टडी मिळाल्यानंतर आरोपीने त्याचे वकील ॲड. सुशांत तायडे यांच्यामार्फत दिनांक 04.12.2025 रोजी श्री. ए. एस. गांधी साहेब यांच्या कोर्टात जामीन अर्ज दाखल केला.
या जामीन अर्जावर दिनांक 09.12.2025 रोजी युक्तिवाद ऐकण्यात आला.
बचाव पक्षाचा युक्तिवाद: आरोपीच्या वकिलांनी सदर गुन्ह्यात आरोपीला खोटे फसवले गेल्याचा दावा केला.
सरकारी पक्षाचा युक्तिवाद: सरकारी वकिलांनी तपास अजून पूर्ण झाला नसल्याचे कारण देत जामीन नामंजूर करण्याची मागणी केली.
दोन्ही पक्षांचा युक्तिवाद ऐकून श्री. ए. एस. गांधी साहेब यांनी त्याच दिवशी, दिनांक 09.12.2025 रोजी आरोपीचा जामीन अर्ज मंजूर केला.
आरोपीच्या वतीने ॲड. सुशांत तायडे, प्रज्ञा कांबळे तायडे, दिनेश जाधव, जितू जोशी, शुभांगी देवकुळे व सुजित पाडवी यांनी प्रभावीपणे बाजू मांडली.
न्यायालयाने आरोपीला जामीन दिल्याने आता या प्रकरणाच्या पुढील तपासाची आणि खटल्याची दिशा महत्त्वाची ठरणार आहे.
मुख्य संपादक :- पंकेश जाधव
