अंमली पदार्थ विरोधी पथक १ गुन्हे शाखेची दमदार कामगिरी ! मेफेड्रोन (एम.डी) या अंमली पदार्थाची विक्री करणारा आरोपी जेरबंद
पंकेश जाधव मुख्य संपादक 7020794626
अंमली पदार्थ विरोधी पथक १ गुन्हे शाखा, पुणे शहर
महा पोलीस न्यूज ! ऑनलाईन पुणे :- दि. २९/११/२०२५ रोजी अंमली पदार्थ विरोधी पथक १ गुन्हे शाखा पुणे शहर कडील पोलीस अधिकारी व पोलीस अंमलदार तसेच बिबवेवाडी पोलीस ठाणेकडील पोलीस अधिकारी व अंमलदार बिबवेवाडी पोलीस ठाणेचे हद्दीत पेट्रोलींग करीत असताना गंगाधाम चौकाकडून पासलकर चौकाकडे येणा-या रोडवर महावीर मोर्टस् समोर रोडवर एक रिक्षा चालक त्याची रिक्षा पार्क करून सतत खाली उतरून इकडेतिकडे संशयीत रित्या कोणाची तरी वाट पहात असल्याचे दिसले. त्यांच्या हालचाली संशयास्पद वाटल्याने त्यांचे दिशेने पोलीस अधिकारी व स्टाफ जात असताना ते तेथून पळुन जावु लागले. त्यानंतर पोलीस अधिकारी व स्टाफ यांनी अत्यंत शिताफीने त्या रिक्षा चालकास पकडले त्याचेकडे विचारपुस करता त्याने त्याचे नाव अदिल करीम बागवान वय ३५ वर्ष रा पानसरेनगर, गल्ली नं.२. फ्लॅट नं.३०१, एस अपार्टमेट येवलेवाडी, पुणे असे असल्याचे सांगितले त्याची झडती घेतली असता त्यांचे ताब्यात एकूण ७,२८,०००/-रु. कि.चा त्यामध्ये ६,१८,०००/-रु. कि.चा ३० ग्रॅम ९० मिलीग्रॅम वजनाचा मेफेड्रॉन (एम.डी.) हा अंमली पदार्थ, सदरचा गुन्हा करण्यासाठी वापरलेली १,००,०००/-रु.कि. ची अॅटो रिक्षा व.१०,०००/-रु.कि.चा एक विवो कंपनीचा मोबाईल मिळून आला.
नमुद आरोपीने सदरचा मेफेड्रॉन एम.डी हा अंमली पदार्थ अनाधिकाराने, बेकायदेशिररित्या विक्रीकरीता जवळ बाळगताना मिळुन आल्याने त्याचे विरुध्द बिबवेवाडी पोलीस स्टेशन येथे गु.र.नं. २८३/२०२५. एन.डी.पी. एस. अॅक्ट कलम ८ (क), २१ (ब) अन्वये गुन्हा दाखल करण्यात आला आहे.
वरील नमुद कारवाई ही मा.अपर पोलीस आयुक्त. गुन्हे श्री. पंकज देशमुख, मा. पोलीस उप-आयुक्त, गुन्हे श्री निखील पिंगळे, मा. सहा पो आयुक्त, गुन्हे १ श्री. विजय कुंभार यांचे मार्गदर्शनाखाली अंमली पदार्थ विरोधी पथक. १ गुन्हे शाखा पुणे शहर कडील पोलीस निरीक्षक प्रशांत अन्नछत्रे, पोलीस अंमलवार, संदिप शिर्के, अमोल सरडे, सचिन मावळे, दया तेलंगे पाटील, विठ्ठल साळुंखे, निलेश जाधव, रिहान पठाण, आशा भिंगारे व बिबवेवाडी पोलीस ठाणेकडील सपोनिरी श्रीमती विद्या सावंत व पोलीस अंमलदार गायकवाड, येवले यांनी केली आहे.
मुख्य संपादक :- पंकेश जाधव
